Chapter 20.1

Chapter 20.1

Matapos ang kadramahan namin ni Yaya ay sabay na kaming kumain. Hindi ko naramdaman 'yong lungkot at 'yong pag-iisa ko habang kumakain kami dahil panay ang kwento ni Yaya sa'kin ng kung anu-anong bagay. 

Ikinwento niya rin sa'kin ang kaniyang mga anak at habang tinitigan ko si Yaya na panay ang kwento tungkol sa mga anak niya nakikita ko kung gaano siya ka proud sa kanila. Bakas sa mukha ni Yaya ang kasiyahan at pakiramdam ko nga nabusog ako sa kakatitig sa kaniya kasi nakakahawa 'yong kasiyahan na nakikita ko sa kaniyang mukha.

Ano kaya ang pakiramdam na magkaroon ng isang nanay na sobrang proud sa'yo? Na handa kang ikwento sa lahat, iyong hindi ka ikakahiya dahil lang sa nagkamali ka, iyong hindi ka sasaktan at hahayaan ka munang magpaliwanag bago husgahan. 

I envy her children so much. 

Nagpaalam ako kay Yaya na lalabas muna ako para magpahangin ng matapos kaming dalawa sa pagkain. Kaming dalawa lang ngayon ang narito