Chapter 27

CHAPTER 27

“OMG! WHO IS SHE?”

“Dito siya nag-aaral? Bakit hindi ko siya kilala?”

“Ako rin ngayon ko lang siya nakita,”

“Grabi ang ganda niya. Bakit hindi ko man lang siya napansin dito sa campus?”

“Ackk!! Ang ganda niya talaga. Ano kaya ang pangalan niya?”

“Hala wait bakit parang may kamukha siya rito?”

Iyon agad ang bungad sa akin kinabukasan pagpasok ko sa Xavier. Kaliwa’t kanan ang bulongan ng mga estudyante habang naglalakad ako sa hallway papunta sa room ko. Ang mga mata nila ay halos lumuwa na sa kakatingin sa akin. May nagtangka ring harangan ang daraanan ko para titigan ako ng maigi at saka tanungin kung ano ang pangalan ko.

Hindi ko alam kung paano sasagutin ang mga tanong nila lalo pa’t nahihiya ako ngayon. Ayoko sanang pumasok ngayon kasi natatakot ako sa magiging reaksyon ng lahat kapag nakita at makilala nila ako. Ngunit ayoko rin naman bumagsak lalo na’t malapit na ang examination day.