Chapter 28

Chapter 28

Mabilis na lumipas ang mga araw at natapos na rin ang pinagkaka-abalahan naming lahat. Ang dahilan kung bakit kami busy palagi sa pagre-review. Ang first quarter examination. The day after the exam ay chineck din namin agad ang mga papers kaya mabilis naming nalaman ang mga scores. Good thing is lahat ng test ko ay puro perfect na siyang ipinagpasalamat ko talaga. Kasi kapag nagkataon na mababa ang mga nakuha kong resulta baka mas lalo lang magalit sina Mama at Papa sa akin.

And speaking of them mukhang wala pa talaga sila planong umuwi ng bahay. I sighed. Ahindi pa rin ba humuhupa ang galit nila sa akin? Ba’t parang ayaw na nilang umuwi rito?

“Uy malapit na pala ang intrams, excited na ‘ko!” sabi ni Irish.

Narito kami ngayon sa cafeteria at kumakain kasama sina Kaizer at Brent. Naging mas close ulit kami ni Brent at nalaman ko rin na matagal niya na pala akong nakilala pero hindi lang siya nagsasalita.