Kabanata 49

Halos isang oras din kaming nag-usap ni Kyla bago namin napagdesisyonang umuwi ni Zander. Nangako siyang mananatiling lihim ang tungkol sa akin. Wala ng iba pang dapat makaalam na buhay ako at nagtatago dahil tiyak, isang maling galaw lang namin malalaman na ng Drake na iyon lalo pa't marami iyong galamay.

Binigyan rin ako ni Kyla ng contact number niya para magkaroon kami ng komunikasyon sa isa't-isa.

At dahil wala akong cellphone ay naisipan kong bumili na lang ng de keypad kapag nakarating na kami ni Zander sa Bulacan. Sa bayan ko nalang balak na bumili para maging tuloy tuloy na ang biyahe namin pauwi.

"Nagugutom ka ba? Gusto mo bang dumaan tayo ng drive thru at ng makapagtake-out tayo ng pagkain?" Tanong ni Zander matapos ang halos isang oras na biyahe.

Napakamaalalahanin talaga niya. Habang tumatagal na nakakasama ko siya, mas lalo kong nakikita kung gaano kabuti ang puso niya.

"Ayos lang ako, wag mo na akong alalahanin. Ikaw ba? Nagugutom ka ba?" Tanong ko sa kanya pabalik. Pina