Kabanata 41

Kinabukasan ay lumipas ang isang araw na nanatili lang akong mag isa sa basement. Wala pa akong naging balita sa kung anong nangyayari sa mansyon dahil bukas pa maghahatid ng pagkain si Manang Sonya. Pero yung isip ko naman doon lumilipad sa kung nalaman na ba ng halimaw at kung ano ang naging reaksyon niya sa pagdadalang tao ng Krista na yon.

Emosyonal nalang akong humiga pagkatapos kumain ng biskwit at prutas na binigay pa ni Manang kahapon. Hindi man ako nabusog, pasalamat nalang ako at nagkalaman ang sikmura ko.

Ewan ko ba, may mga pagkain kasi na gustong gusto kong kainin kaya mas lalo akong naging matamlay. Ngayon pa talaga umatake yung cravings cravings na ito na dati rati ay kontento lang naman ako kahit tuyo o di kaya'y asin.

Kaya naman hirap akong matulog kinagabihan. Ramdam kong malalim na ang gabi ngunit ayaw pa rin akong dalawin ng antok.

At sa pilit at unti unti kong pagpikit ay naaninagan ko ang marahang pagbukas ng pintuan kaya muli akong napadilat.

"Manang Sonya..