Kabanata 52

( Maximus POV )

"Napakalaki ng ibinaba ng ani natin ngayon Señorito. Halos kalahati po ang nawala. Marami na rin po ang namatay na mga hayop sa rancho." Imporma sa akin ni Mang Pedring, ang pinagkakatiwalaang trabahador ng hacienda.

Kasulukuyan akong nandirito ngayon para tingnan ang mga naaning palay at mga gulay. Ganoon din ang rancho na iilang hayop na lamang ang natitira.

Dismayado akong napahilot sa aking sintido dahil pakiramdam ko napapabayaan ko na ito gayung maayos na maayos ang takbo ng ibang mga negosyo namin. Ang hacienda pa na siyang mahal na mahal at pinapahalagahan ni lolo noong nabubuhay pa siya dahil namana pa niya ito sa mga ninuno niya.

"Sa tingin mo ano kaya ang problema Mang Pedring?" Kalmadong tanong ko sa matanda na halata ang kalungkutan sa mukha.

"Kinulang po tayo sa mga trabahador Señorito." Parang nahihiya pang sagot nito.

"Bakit tayo kinulang? Where are they?" Kunot noong tanong ko. Masyado na ata talaga akong abala sa maraming bagay lalo na sa p