Kabanata 17

Mad.

"Congrats, Chime!"

"Walang kupas, ha? Akala ko ba hindi ka na confident?" Tanong ni Vivien.

Humalakhak na lang ako. Ngayon ginanap ang pageant para sa Foundation week namin. Hindi ko rin inaasahan na mananalo ako lalo na't hindi na ako sanay sa ganito. Mabuti na lang at nadaan namin sa kaunting practice.

"Have you seen the face of other section?" Humalakhak si Yvonne sa harapan ko.

"Priceless," sagot ni Gio.

Nagtawanan sila. Sinasabi ko na nga ba. Ito lang talaga ang rason bakit nila ako pinilit na sumali. Napailing na lang ako.

"Ipang-celebrate natin ang cash pri-"

"No, Chime. Sa'yo 'yan," sabi ni Vivien.

"Huh? Baliw, hindi na. Besides, alam kong malaki rin ang nagastos niyo rito," sagot ko.

Silang lahat ang gumastos ng gown at ng iba pang kailangan ko. As in wala akong inilabas na pera habang ginagawa namin ang paghahanda sa pageant. Ang ambag ko lang talaga ay ang mukha ko at ang utak ko sa Q and A.

"Ano ka ba! Pinilit ka namin kaya malamang sagot namin. Sa'yo na 'yan para may