20

TUMIGIL ang mundo ni Cielo nang mga sandaling magsalubong ang mga mata nila ni Ross. 

Agad naman nyang binawi ang kanyang tingin dahil hindi nya kayang tagalan ang mga tingin nito. Parang kakainin sya ng buhay ng lalaki kung makatingin ito. 

"Paano nyo ho nalaman ang bahay namin?" Gulat pa ring tanong nya. Hindi nya alam kung paano nito nalaman ang kinaroroonan nya. Hindi naman siguro sya ibinuking ni Manang Esing. 

"I found a way, Cielo, I really want to see you. At isa pa, may mahalagang bagay akong sasabihin sa'yo." Nakangiting sabi nito. 

"Pasok ho kayo." Paanyaya nya at nilakihan ang bukas ng pinto. 

Pasimple nyang tiningnan ang lalaki na ngayon ay iginagala ang paningin sa kabuuan ng kanilang bahay. 

"Pasensya na ho kayo sa bahay namin. Alam kong malayong-malayo ito kumpara sa bahay nyo sa Maynila." Diretso lang sa daan ang