21

NAGSALUBONG ang mga kilay ni Cielo dahil sa sinabi ng matandang lalaki. Bumuka ang kanyang bibig pero wala ni-isang salita ang lumabas mula roon. Gulat at naguguluhan sya sa lahat ng nangyayari. Ito ba ang importanteng bagay na gusto nitong sabihin? 

Hindi nya alam kung ano ng kanyang mararamdaman. Kung matutuwa ba o hindi. 

Ngunit nang sandaling sulyapan nya si Ross, naisip nyang hindi sya dapat maging masaya. Dahil mababakas sa mukha ng lalaki na hindi nito gusto ang mga nangyayari. 

"Me and Ross had planned it already." Dagdag pa nito ngunit masyado ng okupado ang kanyang isipan at hindi na nya alam kung saan pa isisiksik ang mga salitang sinasabi nito. "Aren't you happy, Cielo?" Malungkot na tanong nito. 

Ilang beses naman syang napa-iling habang hawak-hawak ang sintido, gulong-gulo na sa mga nangyayari. 

"Bakit ho biglaan?" Halos bulong na tanong nya