Chapter 23

Winagay-way ni Chelsea ang kanyang kamay sa harapan ni Dion, upang makuha niya ang atensyon nito na biglang natahimik at hindi agad nagsalita.

"Okay ka lang? Bakit bigla kang natahimik diyan?" kuno't noo na tanong niya dito.

Natauhan naman si Dion at napahawak sa kanyang sentido. Hindi niya alam kung tama nga ba ang kanyang narinig na pangalan.

"Dylan McDaniel? Siya ang asawa ng pinsan mo?" paniniguro nitong tanong.

Nagtataka pa rin na nakatingin si Chelsea dito dahil sa kanyang reaksyon.

"Oo, iyon nga, bakit? Kilala mo ba si Dylan?"

Napaiwas si Dion nang tingin kay Chelsea at tahimik na inubos ang hawak niyang wine. Naging seryoso ang kanyang tingin, mayamaya ay napangisi siya.

"Hoy, kinakabahan naman ako sa reaksyon mo. Anong problema at natahimik ka matapos marinig ang pangalan ni Dylan. Kilala mo ba siya?" muling tanong ni Chelsea.

Napatango si Dion at bumaling kay Chelsea, na kuno't noo na nakatingin sa kanya.

"Sort of, yes, I know him.. but where not that close too. I just kn