Chapter 28

Nakatayo si Allyana sa tabi ng railings ng yate, habang hinihintay ang dalawang taong nais niyang makausap. Ngunit, tila blangko pa rin ang kanyang isipan at hindi alam kung ano nga ba ang kanyang sasabihin dalawa. Pinaghandaan na niya ang sandaling makapag usap sila ng ganito. Subalit, hindi niya alam kung ano ang kanyang sasabihin.

"Allyana!"

Narinig niyang tawag sa kanya ni Dylan. Hindi siya lumingon dito, pero naramdaman niyang nagmamadali itong makalapit sa kanya at agad siyang hinawakan sa kanyang braso.

"Hon, I-I want to explain," saad nito.

Doon lang lumingon si Allyana dito at napatingin sa kamay nitong nakahawak sa kanyang braso. Seryoso siyang nakatingin doon at hinawakan ang kamay nito, saka inalis sa kanyang braso. Umatras siya nang ilang dipa dito at sinamaan ito nang tingin.

"Go, explain it," hamon ni Allyana dito.

Kaya naman, hindi agad nakapagsalita si Dylan dahil maging siya ay hindi alam kung paano ipapaliwanag ang nakita nito. Iyon ang eksena nila, nang makaakyat