Chapter 29

Hindi inaasahan ni Dylan ang sinabing iyon ni Keane. Naglakad ito palapit sa kanya at dumungaw, kung saan nahulog si Allyana. Muli rin siyang napatingin at pareho nilang nakita ang tuluyang paglubong ni Allyana sa dagat. Nasisiguro niyang na walan ng malay si Allyana, dahil hindi ito kumilos. Marunong itong lumangoy, subalit sa istado nito ay talagang hindi nito magagawang lumangoy pa.

"This is not what I want, Keane. I want to save her!" giit ni Dylan at humawak muli sa rehas ng yate.

Subalit, muli siyang pinigilan ni Keane.

"Don't you see, Dylan? Kapag nawala si Allyana sa buhay natin ay magagawa na nating ang ating gusto. Makukuha mo ang posisyon sa kompanya nila at magagawa ko rin kunin mula kay Allyana ang buhay na mayroon siya, dahil nakuha ko na ang loob ng kanyang magulang. Isa pa, sa tingin mo ba makukuha pa natin ang ating gusto, kung ililigtas mo pa siya? Ngayong alam na niya ang lahat, sa tingin mo ba magiging maayos pa ang buhay nating dalawa?" pahayag sa kanya