Chapter 25

"Hon!" tawag ni Dylan kay Allyana, nang makalapit na ito sa kinaroroonan ng magpinsan. Napairap naman si Chelsea, nang humalik sa pisngi ni Allyana ang lalaki at tila tuwang-tuwa na makita ito.

"Akala ko natutulog ka pa, gigisingin na sana kita sa room natin pero nandito ka na pala sa ibaba," sabi ni Dylan dito.

Napatingin naman si Allyana kay Chelsea, na napairap lang sa nakita. Kaya naman, napansin ni Chelsea ang tuluyang paglapit rin ni Keane. Nakataas-kilay ito, nang makita si Chelsea.

"Mukhang nag enjoy kayong magkasamang dalawa ah?" ani ni Chelsea kay Keane na naging seryoso agad ang tingin sa kanya.

"What's with that look? Of course, may masasabi ako dahil magkasama kayong dalawa. Ano ba sa tingin mo ang mapapansin ko?" mataray na sabing muli ni Chelsea at inirapan ito.

Hindi nakapagsalita si Keane at maging ang mag asawa ay hindi rin makapagsalita. Napabuntong-hininga na lang si Chelsea at tumayo. Bumaling siya kay Allyana, na nakatingin sa kanya.

"Yanna, tandaan mo ang mga s