Chapter 41

Leana’s POV

Graduation na namin.

Dapat puro saya lang ang nararamdaman ko sa ngayon pero bakit pilit na pumapasok ang kalungkutan sa dibdib ko? Palagi akong excited sa mga graduation na nagaganap dahil nasa isip ko na tutungtong na ako sa mas mataas na baitang. Bagong mga aralin, bagong mga classmates at mga bagong karanasan. Bakit ngayon, natatakot akong mag senior high school?

Kaya ko naman sigurong i-survive ang STEM pero nakakaramdam ako ng inggit sa mga estudyanteng pupunta sa HUMMS. Alam ko na sa sarili ko na sa loob ng dalawang taon sa senior high school ay wala akong magagawa kundi ang mainggit. Heto na naman ako at nagiging ungrateful. Hindi ba pwedeng maging masaya na lang ako dahil nakakapag-aral pa ako?

Natatakot din ako dahil habang lumilipas ang mga taon, mas napapalapit ako sa college. Baka mamaya mamalayan ko na lang na nasa college na ako. Eh ayaw ko pa naman ang kurso ko. Nawawalan na ako ng malay kapag nakakakita ng dugo, paano ko kakayanin ang kursong nursing?