134.

“Congratulations, Miss Lanchester, you’re two weeks pregnant.” Anunsyo ng babaeng doktor.

“Po?” Namilog ang mata ni Alena ng narinig ang sinabi ng doktor, sa tuwa ay natuptop pa niya ang bibig. “D-diyos ko…” siguradong natutuwa si Kairo kapag nalaman ito.

Narito sila ngayon sa hospital, bigla na lang kasing nawalan nang malay si Alena, kaya naman pala, dahil nagdadalantao na pala siya. Kung narito lang si Kairo sigurado na matutuwa ito dahil madaragdagan na naman ang mga anghel nila.

Nagkaroon na naman ng malaking problema si Kairo, kaya nagdesisyon sila na iurong muna ang kanilang kasal. Sa ngayon ay nasa ibang bansa si Kairo, isang linggo nang naroon ang binata para asikasuhin ang business problem nito. Sa loob ng limang buwan pa sila magpapakasal. Gusto kasi ni Kairo na ikasal sila kapag naayos na daw ang gusot na kailangan nitong ayusin.

“Naku anak, maagang regalo iyan para sa inyong dalawa ni Kairo. Hay naku, baka kapag nalaman ni Kairo na buntis ka baka magbago ang isip