190.

Paulit-ulit sinubukan na tawagan ni Claudine sina Mr. Capil at Vin subalit hindi sumasagot ang dalawa. “Arghh!!! Ano ba ang ginagawa ng dalawang iyon at hindi sinasagot ang tawag ko?! Magsisimula na ang party!” Maging ang kanilang tauhan ay hindi na makontak pa! Ang inis na Claudine ay nawala ng makita ang repleksyon sa salamin.

Maganda si Claudine, morena, makinis, maliit ang mukha… kaya malaki ang kumpiyansa ng dalaga na siya ang pinakamaganda sa gabing ito, hindi lamang dahil maganda siya, kundi dahil napakamahal ng kanyang suot na Royal Blue Dress, kahit malaki na ang tiyan ay kayang makipagsabayan ng dalaga.

“Ma’am, pinapatawag na kayo sa labas ni Mr. Darmilton,” imporma kay Claudine.

Inis na tumayo ang dalaga at masamang tiningnan ang babae. “Bababa na!” Ngitngit ang loob ni Cluadine. Hindi man lamang sinilip ni Johnson ang dalaga sa loob, pati pagsundo ay inutos pa ng binata sa ibang tao! Nakakainis!

‘Mabuti pa ay hanapin niya si Vin at si Uncle sa labas!’

Nabura ang