CHAPTER 25 : TWO HEARTBEATS

(TWO HEARTBEATS)

THE DAY has come. Ito na ang araw na pupunta kami sa bahay ni Kurt para simulan na ang pagpa-pagawa ng interior house nito. Kasama ko si Harley at iba pang mga kasamahan namin na mag-aassemble ng mga gamit.

Isang linggo ang kalkula ko ng matapos ang plano sa proyekto. Kasama na ang tatlong araw na palugit para sa interior sketch ko at sa mga nilakad na materyales na gagamitin rito. Naging madali rin kasi sa akin ang mga 'to dahil agad na na-aprub kay Kurt ang mga disenyong nagawa ko.

Noong nalaman ni Fiandro na okay na lahat ay diskumpyado pa siya sa magiging resulta. Pero dahil raw gung-gong na pinsan naman niya ang may-ari ng bahay ay wala na siyang pinabago sa mga dinisenyo ko. Bahala na kung anong sasabihin daw sakin nito. Dahil alam niya na pinopormahan ako ni Kurt ay sasabihin daw talaga nito na maganda ang resulta kasi iyong pinsan naman niya ang nagsabi.

Nabadtrip pa ako noong araw na 'yon kasi ganoon ang sinabi ni mokong