Chapter 42

Mula sa honeymoon feels nila sa resort, balik trabaho na ulit sila. Isang operasyon ang binuo nila para mahuli at makakuha ng ebidensiya para sa tinutugis nila.

“Sgt. Filipe, ikaw ang magmanman kay Congressman. Ayon sa inutusan ko, wala itong alam sa mga transaction na nahuli natin noong nakaraang linggo. Ibig sabihin, ginagamit lang ng isang tauhan nila ang pangalan nito.” Itinuro ni Zach ng stick ang blankong tao sa taas nito.

Napaangat ang ulo ni Katie sa pakikinig.

“Kung hindi si Congressman ito, malamang may tao pang hunahawak sa kanila at ito ang tututukan natin,” patuloy ni Zach.

“Paano kung nililinlang ka lang ng taong iyan? I mean, nililiko lang niya ang ebidensiya?” si Sgt. Tolentino iyon.

“Hindi iyon babaligtad sa akin, pero hindi ko pa rin inaalis ang posibilidad na iyon,” seryosong sagot ng binata. “One evidence na nakuha ko is this. . .” Binuksan nito ang projector. Bumulaga sa kanila ang isang drawing. “Lahat sila ay may snake tattoo, kaya malamang, ang big boss nila ay