Chapter 45

“Anong nangyari sa iniutos ko sa inyo!” nanggigigil na tanong ni Brandon sa mga tauhang kaharap, habang hawak-hawak ang isang baril.

“Boss, kasado na po! Sila Bigman ang dudukot sa babae,” anang kaharap niya.

“Mabuti kung ganoon! Ang tauhan ni Silva? Nasaan?” Muli ay pasigaw niyang tanong.

“Nasa bodega na, boss! Maayos na nakagapos para hindi makawala.”

Tumawa nang malakas si Brandon. Para itong nasaniban ng demonyo sa mga sandaling iyon.

“Magpakasarap ka na ngayon, Silva! Hindi mo nararamdaman, unti-unti ng nauubos ang mga tauhan mo!” At tinungga niya ang basong may lamang alak sa harapan. “Two down, next mo ang isa pang babae na kasama nila. Kailangan ko ng malinis gumawa at hindi mahahalata ng lahat!” Dumagundong ang boses niya sa kinaroroonan. “May party ngayon, ayon kay Anne. Doon ninyo dukutin at iharap sa akin ang kapatid ni Lira.” Tumalikod siya at nagsimulang umakyat sa taas nang muling mapatigil.

“Bueno! May mga parating na shipment, ilusot ninyo iyon sa mga parak! Bahala