Chapter 53

Chapter 53

Ilang araw ring inaasikaso ni Zach ang kaso ni Brandon. Kahit tinamaan ito ng bala, mas minabuti nitong ito mismo ang mag-handle niyon. Mas mapapatag raw ang kalooban nito.

Dinala si Brandon sa isang high end facility ng militar. Doon muna ito bago ilipat sa pinakamahigpit na pasilidad ng bilibid, habang hindi pa ito nahahatulan.

Kahit papaano, nakahinga na nang maluwag si Katie. Sigurado naman na hindi na ito makalalabas pa ng kulungan. Militar ang binangga nito; specifically, isang heneral. He threatened the national security with those bombings in the past and bomb threats at the airport, kaya nasisiguro niyang life sentence ang ipapataw na hatol dito o mas higit pa.

Kasalukuyan siyang nag-iimpake ng mga damit niya, dahil ayaw pumayag ni Zach na babalik pa siya sa condo na iyon na pinagpatuluyan sa kaniya nito.

Sandali siyang tumigil at iniikot ang mga mata sa paligid. Ma-m-miss niya ang lugar na ito.

Umupo siya sa kama, saka pabagsak na humiga at dahan-dahang itina