Chapter 54

Nakaupo si Katie sa mesa niya sa loob ng opisina ni Zach, habang hinihintay ang lalaki na matapos sa meeting nito, nang may kumatok. Mabilis niyang binuksan iyon.

“Leigh, pasok ka.”

Dumeretso sila sa mesa niya at binigyan ito ng upuan. Pansin niyang kakaiba ang kislap ng mga mata nito. Halata ang kasiyahang nadarama nito, at alam niyang dahil iyon sa pagkakalutas ng kaso ng kaniyang kapatid.

Subalit, napataas ang mga kilay niya nang may iabot ito sa kaniya. Tiningnan niya iyong mabuti, saka nagtatanong ang mga matang binalingan ito.

Ngumiti ito. “Open it.”

Kunot ang noong walang imik na binuksan niya ang kulay puting sobre. Binasa niya ang laman niyon. Nanlaki ang mga mata niya. Napakurap pa siya nang ilang beses, pagkuwa’y nakahawak sa dibdib na nilingon si Leigh.

“I-is this true?” Muli niyang binasa ang nakasulat sa kapirasong papel. Totoong pangalan nito ang nakasulat doon, pero ang isa pang ikinagulat niya, ay ang pangalan ng groom na nakalagay. It’s Sgt. Tolentino!

“Leigh, ano it