CHAPTER 135

Late nang nakauwi ng Cavite sina Nadja at Victor. Tahimik sila sa garahe at nagkatitigan pa. Unang bumaba si Victor. Inihanda muna nito ang wheel chair at saka nagtungo muna sila sa lanai.

“It’s good to be home,” sabi ni Nadja.

“Napagod ka ba? Halika na. Sa loob na tayo.” Payapa ang buong kabahayan. Gumising si Nessa kahit may susi naman ang dalawa. Ipinagbukas pa rin niya ng pinto ang mga ito.

“Kumusta ang mga bata?” tanong ni Victor.

“Okay naman po, Sir. Nakakain naman po silang mabuti.”

“Good! Sige, ako na ang bahala dito. Nadja…”

“Uhm, bakit?”

“Did you have a great time today?”

“Yeah, I am good.” Napabuntung-hininga si Victor. Humikab si Nadja.

“Sleepy?” Tumango ang babae at idiniretso na niya ito sa kanyang kama. Inalalayan niya itong humiga. Tinapik ng konti hanggang makatulog. Pagkatapos ay dinampian niya si Nadja ng good night kiss.Tumayo si Victor at akmang lalabas na ng kuwartong iyon. “Palagi mo bang gagawin ito? Palagi mo ba akong iiwan sa tuwing makakatulog ako?”