CHAPTER 48

Umupo ng maayos si Nadja ng makitang umalis na si Inigo sa bakuran at hinayaan ang guro at ang mga bata. Abala ang buong kabahayan. Maging si Nessa ay abala na naghanda ng mirienda para sa mga bata at sa bisita ng kanilang amo. Si Cogie naman ay assistant cook ni Inigo sa kusina.

Sumasagitsit ang mantika sa kawala at napapailing na lang ang lalaking kasambahay. Hindi siya makapaniwala na kayang pagsabay-sabayin ni Inigo ang pagluluto ng iba’t ibang putahe na parang professional chef.

Pailing-iling ito habang tinutulungan ang kapatid na naglalagay ng plato sa lamesa.

“Ano bang nangyayari sa iyo, Kuya?”

“Grabeh, idol ko talaga itong si Sir Inigo.”

“O ano, sabi ko sa iyo eh? Baka sa susunod mas higit pa diyan ang malaman natin, pustahan tayo.”

“Alam mo ba ‘yung parang sa mamahaling restaurant ka kumain kapag siya na ang nagluto.”

“Kahit hindi ka na magbayad ng mahal. Dito pa lang panalo na ang ulam natin.”

“Gusto ko ring makapag-aral tulad niya. Balang-araw, gusto ko ring magkaroo