CHAPTER 64

Kinuha niya ang hose at diniligan ang mga halaman ngunit pasimple niyang hinahanap sa lugar na iyon ang relo na kanyang naibato doon.

“May hinahanap ka ba?” sigaw ni Inigo sa terrace. Nasa itaas siya at kasalukuyang nakatayo sa harap ng kanyang kuwarto kasama ang kambal. Nagising na rin pala ang mga ito.

“Good morning, Mommy!” Kumaway ang mga bata sa kanya.

“Good morning!” Kumaway din ito.

“Daddy, let’s go down.”

“You want pancake, Holly?”

“Yes, Daddy. I want pancake with fruits.”

Napangiti si Nadja. Pinangatawanan talaga ni Inigo ang pagiging ama sa kanyang kambal. Dinig niya ang masaya nilang usapan.

Pagdating ng tanghali ay nagpaalam ang lalaki. Hiniram nitong muli ang kotse ni Nadja. Hindi pinalampas ni Inigo ang ginawa ni Philip. Ipinahanap talaga niya sa kanyang tauhan kung sino ang lalaki at kung saan ito nagtatrabaho.

"Nadja, aalis lang ako saglit."

"Where are going?" Hindi sinagot ng binata ang tanong.

"Promise, hindi ako makikipag away."

"Bahala ka. Malaki ka na a