CHAPTER 93

“Bakit ba ang init ng ulo ni Boss?”

“Para siyang hindi nadiligan kagabi.”

Dinig na bulungan ng kanyang mga tauhan. Nag-una-unahan ang mga ito na lumabas ng kanyang opisina sa takot na sila ang balingan ni Victor. Sumandal si Victor sa kanyang upuan pagkatapos niyang ubusin ang laman ng kanyang baso.

Nagngingitngit siya sa galit sa nangyari. Desidido siya na gumawa ng paraan upang makita si Nadja.

“Boss, ready na po ang mansion. Anytime ay puwede nang makalipat sina Ma’am Sharon at Sir Max.”

“Siguraduhin ninyong walang naiwang bakas ang mga traydor na iyon.”

“Yes, Boss!”

Mabilis din ang recovery ng kanyang ama. Masaya si Sharon sa estado ng kalusugan ng kanyang asawa. Natutuwa rin ang mga doktor dahil puwede na rin silang ma-discharge anytime soon.

“Hayan narinig mo ba, Max? Malapit na tayong umuwi. Max gusto mo bang magpagupit bago umuwi ng mansion?” Humaba na rin ang buhok ng lalaki habang comatose ito.

“Oo naman.”

“Dito na lang kita pagugupitan.”

“Si Sharko na lang ang mag