Chapter Sixty Two

NGUNIT wala pang isang taon na mag-asawa sila nito'y inatake sa puso ang matandang lalaki na siyang ikinamatay nito kalaunan. Na siyang naging dahilan upang magkasakit naman ang ina ni Olivia na si Slyvia. Unti-unti ay nalugi ang nag-iisang kumpaniya ng mga ito at tuluyan na ibenenta iyon matapos na mamatay ang ina nito.

Pakiramdam ni Ricardo dati ay magmula ng magkakilala sila'y may kaakibat siyang kamalasan sa buhay si Olivia. Ngunit dahil likas na positibo sa buhay ang asawa ay hindi siya pinag-isipan ng ganoon kailanman. Kaya para kay Ricardo ay sobrang swerti siya rito.

"Naku! Hindi ko naman kailangan ng mga luho hon. Ang gusto ko'y lagi tayong nasa mabuting kalagayan. Para sa akin kayo ng anak natin ang pinakamahalaga sa lahat," matamis ang mga salitang saad ni Olivia.

With that Ricardo's heart felt warm.

Tuluyan na siyang umakbay sa asawa at muling hinalikan sa sentido ito.

"Kaya mahal na mahal kita kasi sobra mo kaming mahal ng anak mong si Rudny," nakangiting wika nito habang