Chapter Sixty Three

PATULOY lamang sa mabilis na pagmamaneho si Rudny sa madilim na kalsada ng mga sandaling iyon.

Marahan niyang tinapunan ang IPhone niyang nakapatong sa may dashboard niya ng mga sandaling iyon na patuloy sa pag-ring.

Nang tignan niya iyon ay ang sariling ama ang kasalukuyan tumatawag sa kanya.

Pinabayaan niyang mag-ingay iyon. Ang nasa isip niya ng mga oras na iyon ay ang nabuo na niyang plano.

Planong pagsagip kay Beatrice.

"Wait for me sweetheart..." anas ni Rudny.

Ilang minuto rin siyang nagbiyahe, hanggang sa nakarating siya sa destinasyon niya.

Nakita niyang ilang armadong tao ang nagbabantay sa labas ng malaking gate. Lumapit ang isa sa kanya.

"Rudny Aragon." Pilit na pinapakalma ni Rudny ang boses. Inihanda niya rin ang baril sa loob ng jacket niya, in case na makaramdam siya ng kapahamakan.

"Sandali..." sagot ng lalaki at may kinuha na aparato na nakalagay sa loob ng polo pocket nito na tila may kinakausap ng mga sandaling iyon. Mabilis din itong bumaling sa binata matapos na