CHAPTER 41: MONICA

SOPHIE’S POV

“MISS Sophie, nakaalis na si Sir Lance,” sabi sa akin ni Venom nang buksan niya ang pinto ng kuwarto ko.

Hindi ko inalis ang kumot na nakataklob sa akin. “Okay.”

“Aalis na ako, Miss Sophie.”

“Okay.”

Hindi ko rin alam pero parang bigla na lang ding sumama ang pakiramdam ko matapos ang pangyayari. Alam na ni Lance ang tungkol sa kasal namin ni Vincent, ibig sabihin madalang na lamang din kaming magkakasama. Paniguradong iiwasan niya na ako ngayong nalaman niya na asawa ko ang kapatid niya.

Ayaw ko siyang lumayo sa akin.

Ngayong alam niya na na kasal na ako, mas pinatutunayan lang niyon na wala na talaga kaming chance na dalawa. Alam ko namang mali itong nararamdaman ko, pero nalulungkot talaga ako at nasasaktan.

Si Lance ang first love ko at ang tanging mahal ko hanggang ngayon. Ayaw kong malayo sa kanya, gusto ko pa siyang makasama nang mas matagal, pero tingin ko ay hindi na mangyayari iyon.

Maya-maya ay may narinig na lamang akong kumakatok mula sa labas ng kuwarto ko. K