CHAPTER 88: REVEAL

“DAD, kilala mo siya? Kilala mo si Miss Felestine?” panay ang tanong ko kay Daddy pero hindi niya ako sinasagot.

Tumingin naman ako kay Miss Felestine at nakita ko ang luha sa mga mata niya. “Albert, how can you do this to me? I thought you already died.”

“N-Namatay?” nagtataka kong tanong.

“Anna. Anong—”

Tumingin sa akin si Miss Felestine. Tuluy-tuloy ang pagpatak ng luha mula sa mga mata niya habang naglalakad palapit sa akin. “S-Siya ba ang anak ko?”

Nanlaki ang mga mata ko. “A-Anak? D-Dad, anong ibig niyang sabihin? P-Please, sabihin mo sa akin kung anong nangyayari, Dad!” sigaw ko habang umiiyak na rin.

“Sophie. ”

“Siya ang mommy mo, anak.”

Napanganga ako dahil sa narinig ko. “P-Pero alam ko ang mukha ng mommy ko! May picture niya pa nga ako!”

“Hindi iyon ang mommy mo, Sophie.”

“A-Ano?”

“Ang nanay mo ay si Felestine—kapatid siya ng Aunt Natalie mo. N-Nagkaroon kami ng affair noon at ikaw ang naging bunga niyon. Nang malaman namin na buntis siya, nag-isip kaagad kami ng paraan par