Chapter 20

NAKAPAGLUTO na ng tanghalian si Monica nang dumating ang ibang bisita ni Federico. Sumilip siya sa workplace ng binata. Namataan niya si Stefano na kandong sa mga hita si Kenji habang nakaupo sa couch. Katabi nito si Dimitri na seryoso sa binabasang papeles. Si Duke naman ay nakaupo sa silyang kaharap ni Federico, dumadaldal.

Mayamaya ay tumayo na si Federico at pumasok ng kusina. Kamuntik pa siya nitong mahuli na nakasilip sa pintuan.

“Are you done cooking, Monica?” tanong ng binata.

“Oo, nakahanda na lahat. Ihahain ko na ba sa lamesa ang pagkain?”

“Yes, please. Magtimpla ka rin ng pure orange juice. Ayaw ni Stefano ng ready made na juice. Gusto niya mula mismo sa katas ng prutas at walang ibang halo kahit asukal.”

“Gano’n ba? Kaya pala ang dami mong pinabiling orange. Sige, magpipiga na ako ng juice.”

“Use the squeezer, Monica. Tawagin mo na lang ako kapag ready na lahat.”

“Yes, sir!” Malapad siyang ngumiti.

Lalapit na sana siya sa lamesa nang bigla siyang hawakan ni Federic