Chapter 22

NAALIMPUNGATAN si Monica nang may maliit na kamay na tumama sa kaniyang mata. Kaagad siyang napamulagat at napalingon sa kaniyang tabi. Kamay pala ni Kenji ang tumama sa mata niya. Nagising na rin ito at biglang dumapa.

Nagising nang tuluyan ang kaniyang diwa nang mamataan si Federico na nakahiga rin sa tabi ni Kenji. Napagitnaan nila ang bata. Tulog na si Federico. Sasakyan sana ito ni Kenji sa tiyan mabuti napigil kaagad niya ang bata.

“Huwag kang maingay, natutulog si Daddy,” bulong niya kay Keni.

“Da-da?” sambit naman ni Kenji habang nakatitig sa kaniyang mukha.

“Oo, tulog ang daddy mo. Labas na lang tayo ng kuwarto para makapagmeryenda ka.”

Dahandahan na siyang kumilos habang karga si Kenji. Lumabas sila ng kuwarto at nagtungo sa kusina. Naroon ang dalawang pusa kaya kaagad hinabol ni Kenji nang ilapag niya ito sa sahig.

Nagbukas siya ng chocolate cookies para meryenda ni Kenji. Nagtimpla rin siya ng orange juice.

“Halika na, anak. Bitawan mo na ‘yang si Satore. Puro balah