Chapter 24

MAKALIPAS ang tanghalian ay umalis si Federico. Nakatulog naman si Monica kasabay ni Kenji. Nang magising ito ng hapon ay nagising na rin siya. Natakot na siyang malingat at mawala sa paningin niya si Kenji.

Nababagot na sa opisina ang bata at gustong gumala. Panay ang ingos nito. Wala pa si Federico at hindi na niya mahintay. Lumabas silang mag-ina ng opisina at naglakad-lakad sa pasilyo. May iilang empleyado silang nasalubong at nakamata sa kanila.

Sinundan pa sila ng isang bodyguard. “Ma’am, huwag po kayong lalayo baka magalit si Boss,” sabi ng bodyguard.

“Hindi kami lalayo. Aaliwin ko lang ang anak ko kasi nababagot sa opisina,” aniya.

Pinalakad niya si Kenji pero hinihila siya nito habang nakahawak sa kaniyang kamay. Sinundan naman niya ito. Gusto nitong bumaba ng hagdanan.

“Pasensiya na, gustong mag-explore ng bata. Sasamahan ko na lang siya,” sabi niya sa bodyguard na nakabuntot lang sa kanila.

“Sige po pero sasamahan ko na rin kayo.”

“Salamat.”

Dahandahan na silang bum