Chapter 90

SCARLETT

“Sigurado ba kayong dalawa lang ang pupunta doon? Masyadong delikado ang gusto niyo mangyari.” Seryosong sabi ni Boss habang palipat-lipat ang tingin sa amin ni Night.

Nandito kami sa meeting room at nag-uusap usap. Nasabi na rin namin kay boss ang mga pinag-usapan namin kanina noong nasa labas kami ng ER.

“Mas ok ng kami lang ni Night ang pumunta Boss, Iniiwasan namin na may masaktan pa ulit. Hindi na ako makakapayag na maulit ang nangyari kela Gunner.” Seryosong saad ko habang nakatingin sa mata ni Boss.

“Isa pa baka makahalata sila kapag marami tayo Boss, Pupunta kami doon para tignan kung nandoon sila Ishida, Baka may makuha din kaming impormasyon kung saan sila naglulungga..pero ang pinaka pakay namin doon ay ang mga tarantadong nambugbog kela Gunner.” Singit na turan ni Night.

Bumuntong hininga si Boss, saka seryosong nagsalita.

“Alam kong galit kayo dahil sa nangyari kela Gunner, pero ‘wag kayong magpadalos-dalos ng desisyon. Alalahanin niyo bigatin ang