Chapter 56

DAHAN-DAHAN iminulat ni Reese ang mga mata. Pakiramdam niya ay nanggaling siya sa isang bakbakan dahil ang bigat ng pakiramdam niya.

Tuluyan niyang naidilat ang mga mata. Napakura-kurap pa siya nang ilang ulit dahil sa liwanag na tumatama sa kanyang mukha. Bigla siyang nagtaka dahil ang silid niya ay nakatalikod sa araw kaya hindi makakapasok ang sinag. Bigla siyang napabalikwas para lamang muling mahiga dahil sumigid ang sakit sa kanyang pagkababae.

Napadako ang tingin niya roon at muli siyang natigilan nang makitang wala siyang saplot sa ilalim ng kumot. Hindi siya natutulog nang walang damit. Then a memory from last night flashed into her mind. Namilog ang mga mata niya kasabay nang paglibot nito.

She was not in her room. Nasa silid siya ng rooftop. Tumingin siya sa gilid niya, wala naman siyang katabi. Nasaan ito?

Kahit na nahihirapan ay bumangon siya at hinanap ang mga damit na hindi niya makita at naalala na sa rooftop niya ito hinubad. Ano ba pumasok sa utak niya at nagawa an