Chapter 74: Start Again

KALAHATING buwan ang lumipas at lahat ng bagay sa pagitan nina Stefan at Eunice at tila isa pa ring panaginip ang lahat na nangyayari para kay Eunice. Kasalukuyan silang nasa parke para ipasyal siya ng kanyang asawa.

Tinignan ni Eunice ang kanyang tiyan at marahan itong hinimas. “Hindi pa rin ako makapaniwala sa lahat na nangyayari tila isang himala ang lahat, anak ko. Akala ko hindi na kami magkakaayos ng ama mo dahil sa labis na galit niya sa akin noon,” wika nito habang patuloy na hinihimas ang kanyang tiyan na walong buwan na ang laki.

“Mahal,” tawag ni Stefan sa kanyang asawa sa baritonong boses nito.

Napalingon si Eunice sa direksyon kung saan nanggaling ang boses ng kanyang asawa. Nang sandaling makita niya si Stefan ay nakita niya ang matamis nitong ngiti na nakaguhit sa g’wapo nitong mukha.

Naglakad papalapit si Stefan sa kanyang asawa at naupo sa tabi nito saka iniabot ang dala nitong chocolate waffle pie na paborito ni Eunice.

“I bought your favorite waffle,” nakangiting wi