Chapter 75: Culprit

HALOS hindi makapagsalita si Eunice dahil sa nilamon ang kanyang isipan nang samu’t saring emosyon—tuwa, bigla, lito at kirot sa kanyang dibdib na halos hindi siya makahinga. Hindi niya sukat akalain na matapos ang lahat na nangyari sa kanila ni Stefan ay magagawa nitong ibigin siya ng tunay tulad ng kanyang nararamdaman.

“Stefan...” mahina niyang sambit sa pangalan nito kasabay nang pag-agos ng mga luha sa kanyang mga mata.

Biglang gumuhit ang pagkabahala sa mga mukha ni Stefan nang sandaling makita nito ang biglang pagluha ng kanyang asawa.

“Why, Mahal? What’s the reason for your tears? Did I say anything that offended you?” Sunod-sunod nitong tanong na bakas na bakas sa mukha nito ang labis na pagkataranta at pagkalito nang sandaling iyon.

Umiling si Eunice para itanggi ang haka-hakang iniisip ng kanyang asawa. “Wala…wala kang sinabi na masama,” wika nito na pilit kinokontrol ang kanyang emosyon.

“Then, why are you crying? You’re making me worry, Mahal. Will you tell me what made y