Kabanata Veintidós

PAGKASARA ng pinto ay hindi na gumalaw sa kinatatayuan si Luna. Nablangkong tuluyan ang isip at hindi malaman ang sunod na gagawin.

Hanggang sa nilingon siya ni Marcus na nauna sa kanyang pumasok. “Okay ka lang?”

Agad naman siyang tumango saka tuluyang gumalaw upang itago ang kabang nararamdaman at saka pinagmasdan ang kabuuan ng suite.

Malawak, na doble o triple ata kaysa sa sariling kwarto ang laki ng suite na binigay sa kanya. Ang high-class ng dating at maaliwalas sa paningin ang ayos ng gamit pati ang decoration. Napatingala pa nga siya sa chandelier na agaw pansin sa lahat.

Matapos ay napatingin kay Marcus nang mapansin itong tumuro sa bandang kaliwa kung nasa’n ang glass-partition. “Nando’n ang kama at banda ro’n—” At muling tumuro sa bandang kanan naman kung nasa’n ang isa pang glass-partition. “—ang banyo.”

Hindi na iyon kailangang sabihin ni Marcus dahil kitang-kita naman ni Luna dahil sa transparent ang partition-glass nito.

Napakagat-labi si Luna nang pagmasdan ang bath-tub