Kabanata Veintinueve

KALAHATING TAON na ang nakakalipas, nang makilala ni Luna ang Ginang na lumapit sa kanya habang nasa business trip siya no'n sa Singapore.

Sa may mall kung saan siya namimili ng bagong bag sa isang well-known brand store. Ina-assist siya that time ng sales lady nang may isang babaeng lumapit at nagtanong sa sales lady’ng kausap niya.

Sa damit pa lang at suot na alahas ay alam na ni Luna na mayaman ang babae o tamang sabihin na Ginang.

Ramdam niyang hindi nalalayo ang edad nito sa kanyang Ina.

Saglit na umalis ang sales lady upang magtawag ng ibang staff na siyang mag-a-assist sa Ginang.

At habang naghihintay ay inabala ni Luna ang sarili sa pagtingin sa mga bag na naka-display. Hanggang sa kinausap siya ng Ginang. Doon ay nalaman niyang Pinay rin itong tulad niya.

Magkagano'n man ay isa pa rin itong estranghera kaya’y ngumingiti at tumatango lang siya kapag kinakausap nito hanggang sa makabalik ang sales lady.

Matapos mabili ang kailangan ay umalis din siya agad. Ilang minutong pag-ii