Kabanata 70

Naupo si Davina sa isang bench, ang nasabi kasi sa kaniya ni Caspian ay sa parteng likod ng park sila magkikita. Patingin-tingin siya sa paligid niya dahil baka nandiyan na si Caspian pero hindi nila nakikita ang isa’t isa.

Habang naghihintay siya ay pinapanuod niya na lang ang ibang mga taong hindi kalayuan sa kaniya. Pauwi na ang iba habang ang iba naman ay palakad-lakad lang habang kausap ang mga partner nila.

Napayakap na lang si Davina sa sarili niya nang biglang lumamig ang hangin. Kung alam lang sana niyang male-late si Caspian ay binalikan niya na lang sana ang jacket niya. Medyo may kanipisan pa naman ang suot-suot niyang damit.

Tinext niya ang number ni Caspian para tanungin ito kung nasaan na siya. Ilang minuto siyang naghintay ng reply nito pero wala siyang nareceive kaya inisip niya na lang na baka nasa byahe na ito.

Matiyaga niyang hinintay si Caspian kahit na nanginginig na siya sa lamig dahil habang palalim ang gabi ay lumalamig na rin. Kalahating oras na ang lumipas p