Kabanata 72

Salubong lang ang mga kilay ni Caspian na nakatingin kay Davina, nagdadalawang isip siya kung hihilain niya ba ito palabas ng hotel pero hindi niya naman pwedeng iwan ang babaeng kasama niya ngayon. Inis na ginulo ni Caspian ang buhok niya. Hindi niya inaasahan na makita si Davina rito.

“Davina, it’s not what you think.” Seryoso niyang wika pero tipid lang na ngumiti si Davina. Pakiramdam ni Davina ay unti-unting pinipiga ang puso niya. Ayaw niya na lang marinig kahit na ano mula kay Caspian dahil sapat na kung anong nakita niya ngayong gabi.

Humugot siya ng malalim na buntong hininga saka muling pinalis ang mga luha niyang hindi na yata tumutigil sa pagtulo.

“It’s fine, you don’t need to explain.” Tatango-tango pa niyang aniya at bahagyang tumawa. Napalunok na lang si Caspian at naikuyom ang mga kamao niya. Blangko lang ang mukha niyang nakatingin kay Davina na para ng baliw dahil umiiyak siya pero tumatawa.

“Babe, let’s go, sino ba yan? Alam mo namang aalis na rin ako mamaya eh.” Ma