Kabanata 28.1

May ngiti sa labing bumangon si Mia, naalala niya ang ilang mga pinag-usapan nilang dalawa ni Aiden kagabi. Mga bagay na hindi naman mahalaga pero mas nakilala nila ang isa’t isa. Nung una gustong gusto niya ng matapos ang pagpapanggap nilang dalawa pero ngayon, hihintayin niya na lang siguro kung kailan sasabihin ni Aiden na tapos na sila.

“Good morning sunshine!” sigaw pa niya ng igilid niya ang mga kurtina sa bintana, maging ang umaga ay napakagandang pagmasdan. Hindi na siya nakakapagduty ng gabi dahil mas gusto raw ni Aiden na umaga na lang siya. Para kapag sakaling kailangan siya nito mabilis na lang siyang tatawagin. Kahit na pagod na siya kagabi at late na umuwi, pakiramdam niya kumpleto pa rin ang tulog niya.

Kumekembot-kembot pa siyang nagluluto. Matapos niyang maggayak ay lumabas na rin siya ng penthouse, halos magulat pa siya ng makita niya si Olivia.

“Good morning, Ma’am.” nakayuko niyang bati, tinaasan lang siya ng kilay ni Olivia saka nilampasan. Napabuntong hininga na