Kabanata 37.1

Matapos ng duty nila ay lumabas na muna ng hotel si Mia. Wala na lang kasi siyang ibang nakikita kundi ang hotel, gigising siya ng umaga na nasa hotel na siya at matutulog ng gabi na nasa hotel pa rin siya.

Palubog na ang araw at pinili na lang nila ni Stella na maglakad lakad malapit sa hotel.

“Bakit ba kasi ayaw mong sabihin kay Sir Aiden ang ginagawa ng mga guests na yun? Ginagamit nila ang batas para sa kanila para takutin tayo.” Saad ni Stella, naupo naman na muna silang dalawa sa bench na parte pa rin ng hotel.

“Hindi dahil may kapit ako kay Aiden ay gagamitin ko na yun, mali pa rin. Kailangan kong itabi ang problema ko sa trabaho sa kung anong problema naming dalawa. Ano na lang iisipin ng ibang guest kapag ako ang kinampihan niya diba? Baka kapag naging issue pa yun ayaw na ng iba na magcheck in dito dahil dun. Baka sabihin pa nila na mali ang pamamalakad ng management ng hotel edi damay-damay tayong lahat. Ayaw ko na lang palakihin ang gulo Stella kaya hangga’t kaya kong pagp