Kabanata 39.2

“Sa presinto ka na lang magpaliwanag Miss at sumama sa’min ng maayos ng sa ganun ay hindi ka na namin masaktan.” Walang maintindihan si Mia sa lahat, paanong may nagreklamo sa kaniya gayong wala naman siyang maalalang may tinapakan siyang ibang tao.

“Ace!” tawag niya rito nang makita niya ito, halos lahat ng mga empleyado ay nakatingin na kay Mia. Nagtataka kung bakit nakaposas ito at may kasamang dalawang pulis. Kunot noong tumingin sa kaniya si Ace at ng makita niyang sapilitan na hinihila si Mia ay mabilis siyang tumakbo papunta rito para harangan ang mga pulis.

“Teka Sir, ano pong problema? Bakit niyo ba siya hinihila?!” sigaw na tanong ni Ace, parehong masakit pa ang mga palad ni Mia tapos nakaposas naman ang dalawa niyang kamay.

“May ipinatong na reklamo sa kaniya Sir kaya kailangan namin siyang huliin.”

“Reklamo? Anong reklamo?”

“Ayaw din nila akong sagutin, Ace believe me wala akong maalala na may ginawa ako. Nasa clinic ako halos buong maghapon kahapon kaya hindi ko alam kung