Chapter 18

CHAPTER 18

Binuksan ni Jacob ang pinto ng taxi na kaniyang sinakyan. Wala sa sarili itong bumaba at hindi na halos kinuha ang kaniyang sukli mula sa driver. Nang makatayo siya sa harap ng malaking gate ng mansyon. Agad siyang napapikit nang mariin sapagkat doon lamang sumuot sa kaniya ang mga nangyayari.

Hindi niya na makikita pa si Kyla. At higit sa lahat, alam niya na ngayon ay tanggal na rin siya sa pagpipilian kung sino ang magiging primary bodyguard ng Presidente. Maswerte pa siya kung hindi siya tatanggalin sa mismo niyang posisyon.

Huminga nang malalim si Jacob at saka nag-doorbell. Itinapat niya ang kaniyang mukha sa intercom camera, at ilang segundo lamang ay nagbukas din ang gate. Walang buhay niyang tinahak ang hardin ng mga Guavez, agad siyang kinapkapan ng mga nakabantay na gwardya sa pinto, at nang wala itong nahanap ay agad din siyang pinapasok.

Inaasahan ni Jacob na ang nakabusangot n