Chapter 11.1

[11.1]

Pagkatapos kong mag-enjoy ay muntik ko nang makalimutan ang dalawang babaeng bubungad sa akin pagkauwi. Masyadong napasobra ang kwentuhan namin ni Jason dahil sa kadaldalan niya at pati oras ay nakalimutan na namin.

“Dapat nagsabi ka man lang sa amin kung saan ka pumupunta!” Sermon ng sermon sina Ash at Myra sa akin pagkauwi ko sa bahay.

Hapon na nang ihatid ako ni Jason sa bahay at ang dalawang babae kaagad ang bumungad sa akin pagbukas ko ng pinto at nakapamewang pa habang nakataas ang isang kilay nila.

“Paano kung may mangyari sa 'yong ‘di maganda?!” Ani Ash, habang nagpipigil ng galit. “It's dangerous out there!” Naka-english ang Lola niyo.

Sa kanilang dalawa ay si Ash ang pinaka-OA kung mag-react. Kung makapanermon ay parang pumunta ako sa kanilang ibayo ng mundo. Kung magalit ay parang siya ang nanay ko. Hays. 

Samantalang si Myra naman ay kalmado lang pero alam kong guston