Chapter 38: Hurting

“‘ADOR, hon? Wala pa bang balita kay Akira? Ilang buwan na ang lumilipas,” malungkot na tanong ni Emily sa asawa habang kumakain sila ng hapunan.

“Hinahanap na siya ni Davidson, honey. ‘Wag ka ng mag-alala,” anito habang naghihiwa ng beef steak.

Huminga ng malalim si Emily. Nalulungkot siya. Hindi niya alam kung maniniwala pa ba siya kay Davidson.

“Pero ang tagal niya ng wala, Ador. Hindi ka ba nag-aalala kung nasaan ang anak mo?” bahagya ng tumataas ang boses ni Emily, ngunit manatiling kalmado ang asawa.

Nilapag nito ang tinidor at meat knife sa mesa at nagpunas na ng tissue sa bibig bago tumayo. “I have to go.”

Magsasalita pa sana siya pero naglakad na ito palabas ng dining room.

Naiwan si Emily sa hapag-kainan. Panay ang buntong-hininga niya. Pinagmasdan niya ang mesa, dati-rati’y masasaya pa silang tatlo na kumakain dito. Ngayon ay wala na si Akira, at hindi niya alam kung saan hahanapin ang anak.

“Manang Lolita!” tawag niya kay Yaya Lolly.

Agad na