CHAPTER 21

Seryoso itong lumapit sa kanya at nakahalukipkip ang mga braso na nagsalita.

“Ipagpaumanhin mo binibini, ngunit maaari ko bang malaman kung sino ka?”seryoso nitong tanong na nagpakaba sa kanya.

Sa tono kasi ng pananalita nito ay para bang ayaw nito sa kanya. Para bang hindi nito gusto na nandito siya.

Lumunok muna siya bago sumagot,“A-Ako si A-Ama–”

Naputol ang sasabihin niya ng biglang dumating si Dakila galing sa kusina.

“Oh Alab, narito ka pala...” wika ni Dakila saka inilapag ang dala-dalang maliit na planggana sa mesang nasa harapan niya.

“Dala ko ito” bumaling ang atensyon nito kay Dakila saka itinaas ang bagahe na hawak nito, “Nakuha namin ito mula sa dagat. Mukhang inanod ng alon”

Nilapitan ni Dakila ang binata at saka kinuha ang dala nito.

“Ito lang ba ang nak