Chapter 20

Lumabas na sila ng cupid café, kahit papaano ay gumaan nga ang pakiramdam nya. Hindi nya alam dahil ba talaga sa kape o dahil magaan kausap si Keith. Huminto sila saglit sa labas dahil may tumawag dito. Sumenyas sya dito na pupunta muna sa katabing shop, tumango lang ito sa kanya.

Pinagmamasdan nya yung naka display na evening dress sa mannequin, kulay blue ‘yun na may isang strap sa balikat at puno ng beads. Ang ganda ng kulay nito, parang dagat na kapag tinamaan ng araw ay kumikislap. Sa sobrang tagal nyang nakatitig dito ay di nya namalayan na nasa tabi na pala nya si Keith at nakatingin din sa mannequin.

“You like it?” biglang sabi nito.

Bigla syang napalingon dito. “Ha?”

Nguso ito sa harap. “That dress.”

Tiningnan nya ulit yung dress na nasa harap nila. “Ang ganda nya, kakulay ng dagat.”

Hinila sya nito papasok sa loob at kinausap yung isang maganda babae na nagaayos ng damit sa gilid. Lumapit ito sa kanila at nakangiting bineso beso si Keith.

“Himala Keith at bumisita ka