Chapter 37

Dahil pinayagan na sya ni Liam na magtrabaho pagkatapos nya magpatingin dito sa clinic, heto sya at nagbibihis na ng uniforme nya sa floating restaurant. Kanina pa nya hinahanap din si Celestynka pero hindi nya ito makita. Sabi ng ibang staff ay si Selena na muna ang magmamanage habang wala pa si Celest, dun na lang din nya nalaman na magkasosyo pala ang dalawang babae sa floating restaurant.

Lumabas na sya ng locker room at nagpunta na sa entrance ng restaurant, dun muna sya naka assign, sinabihan naman sya ni Liam na wag padin magpapakapagod at inumin lang ang gamot lalo na sa kirot. Dahil medyo hindi maganda ang panahon, malalakas ang hampas ng alon at hangin.

“Lamig..” Pangatal nyang sabi, nagtaasan ang balahibo nya sa braso.

“Hi, Elaine! Back to work kana pala?” Biglang sulpot ni Keith sa gilid nya na syang ikinatalon nya dahil nagulat sya.

“Ay palaka!”

Tumawa naman ito na syang ikinasingkit ng mata nya. “Keith! Bakit ba ginugulat mo’ko!?” sita nya dito.

“Hey! Hindi kita ginugula