Chapter 39

Bubuksan na sana nya ang pintuan ng kotseng kinasasakyan nya ng bumukas ‘yon, nakita nyang nasa labas si Joe at ito ang nagbukas. Nahihiyang nagpasalamat sya dito, hindi sya sanay na may gumagawa ng mga ganon bagay sa kanya. Kanina nga paglabas nya ng building ng Ruffalo Empire ay nagulat sya ng may biglang pumarada sa harap nya na itim na sedan, hindi sana nya ‘yon papansin pero ng binuksan ni Joe ang pintuan ay wala na syang nagawa kundi ang sumakay.

Okay lang naman sa kanya na magcommute pero ayon kila Joe, bilin ni Alexandros na ihahatid sya ng mga ito sa bahay nila at wag hahayaan na mag-isa. Hindi nya alam kung matutuwa ba sya sa nangyayari o maiinis. Gusto nya ang pakiramdam na ganito, na para bang importante syang tao, pero hindi naman sya sanay sa ganito. Mas gusto nya ang simple lang.

Napabuntong hininga na lamang sya at lumabas na, safe naman dito sa lugar kung saan sya lumaki, nasa isang subdivision sila nakatira, hindi man yung pang mayaman na subdivision pero makakasigu